籌備好的所有野，包括哩個cake我都覺得係好good

今次我好滿意我選取的地點，而且亦對招待我地的酒樓劉小姐（說聲多謝），的確當晚的菜餚都好滿意，而個pat pat包見到都好開心。

今次真係中西式都有齊，大家仲唱晒中西式的生日歌比我爹爹聽﹗

明天就係星期六啦﹗足足由2號開始到今天（11號）為咗籌備都有個多星期啦，終於明天就係同我爹爹慶祝佢70歲壽辰日子，雖然我唔知道明天會點？但都希望..............

爹爹生日快樂，祝身體健康、開開心心

公司裝修咗成個月，終於都可以係今天入伙啦﹗但真係好唔慣，仲要好鬼激氣。雖然裝修後的確係靚咗好多，但煩的事仲多。真係估唔到......咁多

哩隻大肥豬都幾好笑......

今天真正上第一堂的瑜珈，完全唔係我想的咁樣﹗感覺都幾得意喎﹗

最近個人真係好倦，因為公司裝修現又準備明天搬回原址。所有文件要全部重新入箱重新執過晒，真係好辛苦。所以就在較早時突然想決定去參加瑜珈RELAX下。其實今天雖然係第一堂但都感到不太辛苦。但都有某D較難度高的動作係做唔到，有某D動作做完時隻手都有D不舒服的感覺。可能我兩隻手都因為自己工作關係一早已傷咗啩？

係個過程感到好寧靜，好舒服﹗上多一至兩堂就知我其實會唔會繼續上。哈哈哈

我之前同亞萊講我去學瑜珈班，亞萊問我同邊個去學，我就同佢講無呀只係我自己去學，亞萊又感到點解我可以咁？

其實我都唔係唔想有朋友陪自己學，但我估大家都知唔係你有時間去學，你朋友都會有，又或者係我有興趣我朋友無呢？重有係我要在港島上堂而我D朋友可能要在九龍上呢？真係太多太多問題不可以解釋的。

遺有就係自己去上堂囉我唔想好似要夾來夾去，所以想學咩我都會自己去學。但有D我認為我朋友會有興趣的話，都會問下佢地會唔會一齊學的。但都好少可以夾到。唔知大家會唔會有人好似我咁想呢？

開心D就會希望為自己計劃一下學咩，玩咩，等我學完哩4堂瑜珈之後，才決定會否繼續搵其他想學的野學..........

唔知大家有咩好提意呢？

最近我收到兩份禮物，兩份禮物都係朋友仔行街買比我的。因為佢地知道我鐘意pooh仔，所以佢地見到得意就買來送比我。真係好開心﹗兩份都唔係香港買的，佢地話是第二度買的喎。真係好感動

雖然我地唔係成日都可以見到，可能要好耐才見一次，但估唔到佢地就算去邊到玩都好，都會間中想起我哩個茵meimei，真係好興奮。想都無想過會收到禮物。除咗我生日或者是聖誕節才有機會收到禮物。但竟然在無大時大節都有禮物收，都幾good喎。

謝謝呀朋友仔

早前因為我有一位要好朋友往日本旅行，於是我就托哩位朋友幫我在日本買個袋回來，起初我是睇中咗一款膠質地的格仔型的袋。但因為朋友仔在日本發現日本剛剛出咗另一款新袋。於是就電我問我選另一款有無問題。

雖然我唔知係咩樣，但我有信心我哩位朋友仔的眼光，於是就放心由佢幫我決定。就咁我就交由我朋友仔來決定......就係咁終於今天我就可以擁有啦﹗

上星期是我表弟的壽辰，於是我地一行7人計埋佢8個，一齊慶祝生日。地點就由我操刀決定，我地最後決定咗食日本料理。原本計劃買個cake送比佢，但原來這間料理店可以送一個壽司cake比生日這位的。

我都係第一次見到壽司cake的，但比我想像中馬虎。總之買好過，不過都想同大家分享下佢個樣係點。

現在的小朋友其實真係好幸福，不論年齡是多少，他的家人會為他們準備好多好多的東西。有時我會覺得佢地太唔識去珍惜啦﹗就好似回想有一次我上我其中一位朋友家，這時這朋友是剛剛搬進去的。其中一間就是屬於一位小朋友的，我問左這位小朋友一個問題？

嘩，你就好啦可以自己有一間屬於自己的房？

我估大家都估唔到，個小朋友答我竟然係咁﹕

吓，我唔希罕喎。

大家話現在的小朋友真係......唔敢講

各位端午節快樂﹗我估大家都應該食咗好多糉子啦﹗不過記住唔好食咁多

今次奶奶包糉子時我就剛剛不在家，如果唔係我就可以同佢一齊包啦。就可以食到自製的糉子，不過都不緊要為有等下年才學過啦？奶奶包的糉子好好食。所以想同大家分享下﹕

今天亞萊在我臨放工前電來想約我一齊傾下計食餐飯，於是我地就選擇好一處地方及選擇咗一間坐得舒適的餐廳食飯。

我地最後決定好後就邊食邊傾計，我與亞萊都因為大家各有各忙，很少時間可以好舒服咁坐低傾下計啦﹗今晚我地不但又傾當然最重要係又食啦（我地兩個都為食）？

哩款係前菜 - 夏威夷pizza（迷你版）大約一隻咖啡碟仔中間個圈咁大到